رجع يسأل عن أخباري بعد غيبة سنه وشهرين

رجع يسأل عن أخباري بعد غيبة سنه وشهرين
رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
وهو ما يدري الدمعة تسيل ولا تسليني

دمع هالوجه أو كنه جمع في غيبته جرحين
وأنا عيني بدت تدمع على حزنه وتبكيني

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني

حبيبي ضقت بغيابك حبيبي حيل أنا مسكين
وأنا جيتك بهاليلة وتكفى لا تخليني

و أنا لامن نطق (تكفى) عطيته لوطلب (هالعين)
وأجود بكل ما يملك خفوقي وتملك إيديني

وقلت : ابشر ولايهمك يالغالي تدلل وش تبي يا زين
تراني فدوه عيونك (لو إنك جيت تشقيني)

حبيبي لو تبي القمره عطيتك فوقها ثنتين
بعد لو تطلب النجمة أبنطق جيتك اضويني

بعد هذا ضحك .. بعثر همومه سلهم الرمشين
.. وقال الله يا الطيب وأنا ظنيت ناسيني..

صراحة حيل تحرجني يا طيب يا أطيب الغاليين
ولا ادري كيف بوفيلك حبيبي وانت تعطيني

بعد هذا تسامرنا وتواعدنا بعد يومين
ووصيته على قلبي وهو مثلي يوصيني

تواعدنا على الجمعة (ولاجاني ) إلى الاثنين
ومر اسبوع والثاني وشوقي يشتعل فيني

تصدق عاد يالسامع !! ولا جاني الين الحين
وقبل تسأل عن أسبابه بجاوب ((وإنت واسيني))

لأنه ماات في حادث وأنا مت بغيابه لين
[[ عرفت إني كذا ببقى ولا أحد يقوى يحييني ]]..

روووووووووووووعه
ابدااااااااااااااااااع
بصرااحه لا تعليــق

تسلمي ياقلبي